بـــسم الله
الــعام ســالا و قربو الإمتــحانات و الــفروض دازو و قربو يسالو تــاهوما
لكــن مــافيها بــاس نشوفو شي حــالات من تصــرفات الــتلاميذ ف أوقات الفروض و الإمتحانات
-------------------------------
نبداو بالفروض :
كــاينين شي أســاتذة كايقسمو التلاميذ على 2 مجموعات وكايقولو ليهم مجموعة غادي تدوز في الساعة الأولى و مجموعة غادي تدوز ف الســاعة الثــانية
آش كــايديرو شي وحدين؟
كــايجي بلعاني معطل و كايدق ف الــباب
الأســتاذ كايجاوبو : سير تال الساعة الثانية ...
الــتلميذ كايولي قد الكلب فوق النوالة هيهيهي لأنه ربح ساعة من الراحة و غادي يوجد حريز
و كــاين لي كايشارجي البورتابل على قبل الفرض
و كايبدا يسيفط ميساجات باش يوصلوه أسئلة و يجاوب عليهم قبل ماتوصل نوبتهم
و بالنسبة للأســاتذة لي ماكايقسموش التلاميذ..... فالتلميذ الــنجيب الرائع الحنون الجميل البوgوس الساعي الماعي القاعي ...آجمع راسك آش كاتقول
كــايتسابق على آخــر طاولة
و كــايجي بكري لأول مرة ف حياتو باش يكتب النقلة ف الطاولة
عــلى ذكر الطاولة ههههههه راه فيها الفايس بوك و الإمسن و قصص الحب و كدا وكدية ولحم قنية ...
كــاتلقا
سعيد + مريم = حب أبدي
سيــــر أنــا بغيت ليكم الحكة وقلة الظفار
و لا كــاتلقا جوج تلاميذ كايشاتيو واحد كايقرا ف الثالثة 5 و درية ف الثالثة 2 و كايكتبو لبعضياتهم ف الطاولة مثلا
عباس: إلا كنتي بنت كتبي الإمسن ولا الفايس و لا النمرة
مريم : mariam_Mounir @Khaled.Said غــاتزيد تا عباس هههههه
عبــاس : شــحال زوين هاد الإمسن عندك نتلاقاو حد التيران ديال الرياضة راه غانكون ضارب التوني ديال الريال و التشويكة وواحد السبرديلة زارا
مريم : ^_^ (رسمتها بنت الهبيلة ف الطاولة )
تــلفتوني ...فين كنت ...آه ف الطاولة
الــمهم كــاينقل من الطاولة و الأستاذ لا يدي و لا يجيب
الــمهم تدوز النقلة بخير و على خير و يعيش التلميد في سعادة و هناء و منير و مريم ....
أمــا الفتيتات القويات الخارقات ...يــاودي الله يهديك مــاتبقاش تفرج ف سبيس تون
كــاييديرو النقلة ف شي بلايص تجعل الفتاة عرضة للنقاش نيهاها
و راكم عارفين ... بلا ماتسلو ليا لساني
هــدرنا على النقالة
آجي نهضرو على القراية
القراي كايتسابق على الطاولة الأولى ف الفرض و والو ماتدي من عندو تا جواب ( إيـــتفو )
و الــمشكل مني كاتسولو كي جاك الــفرض كايقول ليك مادرت والو
نتا جايب 15 و لا 16 و مادرتي والو
الله يعطينا وجهك ندخلو بيه لحمام العيالات
الــبنت حتا هي تقول ليك جاني صعيب و تزنgت ف الفرض و مسخوطة الشعب ضاربا النقطة الأولــى
نتي الله يعطينا وجهك نكاليو بيه كاميو ف الباركينغ
الــمهم بلا مانطول عليكم
ندوزو للإمتحانات ديال نهاية السنة
بــنادم قبل الإمتحان شي فرحان شي طالع ليه الدم
و كايبداو يحسبو ف الطاولات باش يشوفو آشمن طاولة جاو ههه
ويتك ويتك ويتك
نهار الإمتحان
الــتلميذ لي مامقفل والو كايولي الحيط بالنسبة له منظر طبيعي
بحيث كايبقا يشوف فيه و يرمش غابوحدو ويتلفت تاكايضرب الجرس...
و كاتطلع ليه القردة مني كايشوف بنادم طايح على الورقة و هو كايقرق ف عينيه
ههههههههههه
و الطامة الكبرى هي مني يلوح عينيه لشي ورقة ديال شي صاحبو و يبان ليه كاتب بزاف وااااااااااااااااااااااع
أو مني شي واحد يطلب ورقة تحرير أخـرى و هو باقي ماعمر تا صفحة من الأولى نيهيهاهاهاهاهاهاهاها
الــمهم كاتشدو الطيارة ...
و مني كايخرج واحد السلوgية عندو ماكاتشدش
آو
كايقوليك عطيت لهادا النقلة و جبد النقلة قدام الأستــاذ و كنت غانتخاصم مع استاذ و قلت ليه تسنى لباباك تا تخرج و نتفاهمو ...قصص عديدة نكتشفها مستقبلا
آربط أصــاحبي السلوgية
هذا هو مايسمى بالسلوgور أو القــنبولور بالفرنسية 9onboleur
يــعني كايطلق القــنابل
...
الــهدرة كثيرة و الوقت لا يسمح الــمهم دابا نكتفيو بهاد القدر إلى الحلقة القادمة
لــي دار الرد الأخيـــر يطفي الضو ويسد الباب راه العجاج غايتوسخ ليا الموضوع